Á málstofu á Sjávarútvegsráðstefnunni 2023 í Hörpu 2. nóvember nk. um þróun í frystitækni fjallar Sæmundur Elíasson, verkefnastjóri hjá Matís og lektor við auðlindadeild Háskólans á Akureyri, um það sem hefur verið að gerast í framþróun frysti- og þíðingartækni á síðustu misserum og árum. Erindi Sæmundar ber yfirskriftina Framtíðarmöguleikar í frysti- og þíðingartækni sjávarfangs
Í erindi sínu á Sjávarútvegsráðstefnunni ræðir Sæmundur um nýlega þróun á iðnaðarlausnum í frystingu og þíðingu sem felst m.a. í notkun háþrýstings, hljóðbylgja, rafsegulbylgja (t.d. útvarps- og örbylgjur), o.fl. Þessar mismunandi aðferðir segir Sæmundur að geti nýst samhliða hefðbundnari frysti- og þíðingaraðferðum (s.s. loftblástur eða ídýfu í vökva) til þess að örva ferlið og ná fram auknum hraða og viðhalda betri gæðum. Loks fer Sæmundur yfir ávinning af betri frystitækni, s.s. aukin afköst, orkusparnað, aukið geymsluþol, aukin afurðagæði og betri nýting.
