RSW lestarkæling:
Frost afhendir RSW lestarkælikerfi fyrir uppsjávarskip til kælingar á síld, makríl, loðnu og kolmuna.
Hönnun kerfanna fer eftir aðstæðum hverju sinni en venjulega eru þau afhent sem sambyggðar einingar en einnig er hægt að setja þau saman um borð, ef aðstæður krefjast. Kerfin eru afhent með stjórnbúnaði DX-eimi, eimsvala og stimpil eða skrúfuþjöppu, allt eftir hvað hentar hverju sinni.
Auk sjálfra RSW kerfanna afhendir Frost einnig alla nauðsynlega loka fyrir sjókælikerfið ásamt stjórnbúnaði.
RSW kæling fyrir vinnsluskip:
Frost býður RSW kerfi til kælingar á afla í móttöku og vinnslu um 
borð í bolfiskskipum. Kerfin henta sérstaklega vel þar sem þarf að kæla mikið magn á skömmum tíma.
Vert er að skoða RSW kerfi sem valkost í stað krapakerfa. RSW kerfi hafa þá kosti umfram krapakerfi að vera mun einfaldari í uppbyggingu með færri hreyfanlegum hlutum, þau krefjast því lítils viðhalds og eftirlits og stofnkostnaður við RSW kerfi getur verið allt að helmingi lægri en við krapakerfi með sambærileg kæliafköst.
Hægt er að fá kerfin sambyggð þ.e. pressa, varmaskiptir og stjórnbúnaður sambyggt á einn ramma, eða haf helstu hluta kerfisins aðskilda ef þörf er á að koma þeim fyrir í takmörkuðu rými.