Þjónusta við íslenska fiskiskipaflotann hefur frá upphafi verið kjölfestan í rekstri Frost. Frost hefur því komið að fjölda verkefna um borð í íslenskum skipum bæði hér heima og erlendis. Það er því sama hvert verkefnið er, hvort það er kæling ísfisks fyrir vinnslu og í lest, kæling og frysting um borð í vinnsluskipum eða kæling og frysting um borð í uppsjávarskipum, þá hefur Frost áralanga reynslu í að greina þarfir viðskiptavina og skila verkefnum sem uppfylla kröfur um afköst og áreiðanleika.
Í seinni tíð hefur þjónusta við erlend skip verið vaxandi þáttur í starfssemi Frost, ber þar hæst breytingar frystikerfa úr R22 í ammoníak. Frost hefur þegar sett ný ammoníak kerfi í þrjú erlend skip, tveimur var breytt hér heima og einu í Noregi. Í þessum verkefnum hefur komið í ljós að Frost og samstarfsaðilar, Slippurinn og Rafeyri, eru fyllilega samkeppnishæf um verð og verktíma við erlendar skipasmíðastöðvar.
|
Skip |
Eigandi / |
Lýsing |
|
Norma Mary |
Onward Fishing |
Hönnun og afhending á öllum búnaði fyrir nýtt NH3 frystikerfi auk nýrra DSI plötufrysta. |
|
Havtind |
Norland Havfiske |
Fjarlægja eldra R22 frystikerfi, hönnun og uppsetning á nýju NH3 kerfi auk DSI plötufrysta. |
|
Guðmundur í Nesi RE-13 |
Brim |
Endurbætur á núverandi NH3 frystikerfi og uppsetning á nýjum DSI plötufrystum. |
|
Brimnes RE-27 |
Brim |
Endurbætur á núverandi NH3 frystikerfi og uppsetning nýrra DSI plötufrysta. |
|
Arnar HU-1 |
Fisk Seafood |
Afhending og tenging á SW kerfi til kælingar á fiski í móttöku og á vinnsluþilfari. |
|
Málmey SK-1 |
Fisk Seafood |
Afhending og tenging á SW kerfi til kælingar á fiski í móttöku og á vinnsluþilfari. |
|
Gandí VE-171 |
Vinnslustöðin Vestmannaeyjar |
Endurnýjun loka, lagna og einangrunar á vinnsluþilfari. |
|
K. Arctander |
Norland Havfiske, |
Fjarlægja eldra R22 frystikerfi, hönnun og uppsetning á nýju NH3 kerfi auk DSI plötufrysta. |