HB Grandi hefur samið við Kælismiðjuna Frost ehf. um afhendingu og uppsetningu á nýju frystikerfi fyrir Örfirisey RE 4. Um er að ræða nýtt NH3 (ammoníak) frystikerfi sem kemur í stað eldra freon kerfis.
Kerfið samanstendur af þremur nýjum Grasso skrúfupressum, dælukút, títan röraeimsvölum auk annars búnaðar.
Frost hefur áður skipt út R22 freon kerfum í þremur norskum og einum breskum togara, en með breytingunum á Örfirisey er HB Grandi fyrsta íslenska útgerðin sem stígur það skref að skipta út R22 freon kerfi fyrir umhverfisvænt NH3 kerfi, en eins og kunnugt er, er notkun á R22 bönnuð eftir 2014.